May 13, 2024

Nagtipun-tipon ang mga opisyal at empleyado ng Munisipyo ng Bauang at iba pang mga ahensya kanina, Mayo 13, 2024, para sa Flag-Raising Ceremony na ginaganap bawat Lunes. Ito ay pinamunuan ni Mayor Eulogio Clarence Martin P. De Guzman III at pinangasiwaan ng Office of the Municipal Administrator ng Munisipyo ng Bauang.

Nagsalita si Sangguniang Bayan Member Bonifacio Malinao, Jr. at ibinigay ang Values Formation ng seremonya na Self-Reflection at Self-Assessment.

Ang mga dumalo ay nag-alay ng dasal, umawit ng Lupang Hinirang, nanumpa ng Panatang Makabayan at Panunumpa ng Lingkod Bayan, umawit ng La Union Hymn at Bauang Hymn, at nanumpa ng Quality Policy.

Pinarangalan naman ang mga opisina para sa husay ng kanilang serbisyo: Office of the Mayor, Municipal Social Welfare and Development Office (MSWDO), Municipal Budget Office, Municipal Slaughterhouse, at Rural Health Unit (RHU).

Sa huli, itinanghal ng Office of the Municipal Administrator ang kanilang audio-visual Accomplishment Report.

Maraming salamat sa Office of the Municipal Administrator, sa mga opisyal at empleyado, sa mga pinarangalan, at iba pang dumalo sa Seremonya ng Bandila.